HISTORIA


A Real Banda de Gaitas da Deputación de Ourense (Galicia-España) constitúe a máxima expresión artística dos quince mil alumnos que estudian os segredos da gaita na Escola Provincial de Gaitas. Ademais de ser unha canle para os alumnos da Escola de gaitas, a Real Banda pretende difundir e prestixiar a gaita como instrumento senlleiro nacional de Galicia, levando o espírito deste pobo a tódolos currunchos do Planeta; tal é o que se plantexa o seu fundador e director, Xosé Lois Foxo. O seu recoñecemento é tan universal coma a verba mesma, levando a súa música e a súa maxia ós máis dispares lugares do Planeta, sendo boa mostra delo as seguintes distincións:
  • Trofeo "The best overseas pipe band", gañado nos mundiais de Bandas de Gaitas de Glasgow (Agosto 1991 y 1993).
  • Distinción á Banda máis popular do Highland Gathering, celebrado en Yakarta 1992 (Indonesia)
  • Gran Percebe de plata e ouro, otorgados pola "Enxebre Xuntanza do Percebe de Barcelona".
  • Gran "Caball" da cidade de Barcelona.
  • Medallas de recoñecemento das cidades de Munich, Nürnberg e Berlín.
  • Medalla de ouro da cidade de Nantes.
  • Diploma de honra da cidade de Glasgow.
  • Distinción especial do Festival Internacional de Strakonice (Chequia)
  • Medalla de ouro da cidade de Caracas.
  • Distinción de honra da cidade de Chicago.
  • Medalla de ouro da Cidade do Vaticano.
  • Pergamino de recoñecemento da súa Santidade o Papa Xoan Pablo II.
  • Medalla ó mérito do Goberno de Corea do Sur.
  • Distincións das Televisións Nacionais de México e Santo Domingo.
  • Diploma de recoñecemento do Goberno de Xapón.
  • Declaración do goberno de Uruguay de interés nacional a presencia da Real Banda no seu País.
  • Medalla de ouro da cidade de Bós Aires.
  • Medalla de plata do Goberno de Galicia.
  • Trofeo "Cidade de New York" ( desfile de San Patricio - 30 de Marzo do 2000).
  • Chave de Ouro da cidade de Newark (New Jersey).
  • Premio ó mellor labor de comunicación no ámbito nacional e internacional, referido á Comunidade Autónoma de Galicia, acadado o 13 de Decembro do 2002.
  • Chave de Ouro da cidade de Melbourne.
  • Recoñecemento do Conservatorio de Música de Sydney.
  • Título de REAL concedido polas súas Maxestades os Reies de España, Don Juan Carlos I e Dona Sofía.
  • Distinción da Biblioteca de Alexandría.
  • Medalla de ouro do Goberno do Cairo.
  • Medalla de ouro da Universidade do Cairo
  • Recoñecemento do Consello Superior de Antigüedades de Egipto.
  • Gran Escudo de Ouro do Estado Libre Asociado de Puerto Rico.
  • Medalla da Expo Universal de Shanghai
  • Gran Libro de Seda do Concello de Pekín
  • Terracota do Museo dos Guerreiros de Shian
  • Recoñecemento da Gran Muralla China
  • Medalla de honor da Parada de San Patricio de New York
  • Distinción "Gallegos del año" 2014
  • Premio "Excelentia a la cultura" 2016
  • Escudo da cidade do Sacramento Federación AA.VV Lugo
  • Alecrín 2016 das Entidades Galegas en Cataluña
  • Distinción de honra do Goberno de Coahuila (México)
  • Cuadro de honor do Parque de España de Torreón (México)

    Aparte das distincións mencionadas, a Real Banda ten moitos outros recoñecementos, especialmente dos centros galegos existentes en todo o mundo.

    Ten editado as seguintes produccions discográficas: Os Segredos da Gaita (CD+Video didáctico), Gallaecia(CD), Vídeo lugares monumentales provincia de Ourense, Ano Santo (CD), Adelita(CD), Solistas da Real Banda(CD),Gaudeamus Igitur(CD), Cantigas de Ourense(CD),  Directo Teatro Avenida de Buenos Aires (CD+DVD), God bless America(CD), O Camiño(CD), Festa Celta(CD), Cantigas do Mar(CD), Gran Rapsodia de Aires Populares de Galicia(CD),Concertos a Juan Pablo II (CD+DVD), Concerto de Nadal con María do Ceo (CD-DVD), Centenario Estrella Galicia (CD), Concerto Atox (CD), Directo Teatro Principal de Burgos (DVD), Directo Liceo de Salamanca (DVD), Himnos e Marchas Procesionais de Galicia (CD), Cantares Populares con Miriam Figueiras (CD+DVD), Concerto de Reis 2008 (DVD), Marco Foxo Gañador Solistas 2009 (CD-DVD), Concerto de Reis 2010, Exitos no Mundo (CD/DVD), Músicas do Gaiteiro de Ventosela (CD), Concerto de Amizade Galicia-Escocia (CD_DVD), Concerto na Universidade de San Petersburgo e xira por Rusia (DVD), Antoloxía musical de Galicia (CD).

  • Dende o punto de vista musical, a Real Banda é unha formación musical sen precedentes, conseguindo cotas sinfónicas e combinacións gaitísticas totalmente renovadoras no mundo das gaitas; todo elo derivado do emprego de tres variantes da gaita galega, a saber: Gaitas en Si bemol, gaitas de "barquín" (soplo mecánico), afinadas en fa agudo e fa grave, así coma unha sección de percusión formada por redoblantes de alta tensión, tambores tenores, bombos, panderetas e terrañolas. En desfile é precedida dunha sección de bastóns de mando. Nas súas actuacións en concerto soe actuar a súa sección de "Cantareiras".

    A Real Banda vai ataviada cos clásicos traxes galegos de gala do século XVIII; lucindo, en ocasións especiais, o vello traxe tudense de orixe medieval. O seu repertorio está constituído polas melodías máis representativas da tradición musical de Galicia e países da área céltica, completándose o seu vasto bagaxe de obras con melodías de distintas culturas do mundo.

    En fin, podemos afirmar que a Real Banda é unha formación sinfónica de gaitas, única no mundo na súa composición e formas, empregando a disciplina como constante referente nas súas actuacións, o que inspira e transmite ó espectador a simpatía e atractivo dunha xuventude que, coa súa mensaxe, achega ós distintos pobos da Terra.